Unha resposta desde e para Galicia

Hoxe Somos Nós ven de publicar na súa web o documento de debate público “Unha resposta desde e para Galicia: Diagnose da realidade económica diferencial de Galicia. Liñas principais de actuación en política económica”, elaborado polo GTE que coordino.

SN

Nel apuntamos unha serie de aspectos chave da realidade económica de Galicia que fican fora de xogo no modelo económico e institucional confeccionado nas últimas décadas desde o Estado, agrupados en tres categorías: modelo económico Mediterráneo, bases económicas sectoriais diferenciadas, e a nosa forma de ser e estar no mundo actual (crise demográfica e cultura global). A seguir, trazamos máis de 60 medidas de política económica centradas no País en tres ámbitos, organización territorial, impulso dunha economía produtiva, e futuro demográfico, social e de país, medidas que pretenden dar unha resposta á diagnose anterior sobre a realidade económica diferencial de Galicia.

O documento pódese consultar e descargar AQUI.

Desemprego e maiorías absolutas

Ainda que residente (e votante) na Coruña, “o home é de onde nace e non de onde pace” así que eu sigo as eleccións de Pontevedra, miña vila natal, case coa mesma intensidade. As eleccións en Pontevedra están marcadas polo discurso do PP sobre Ence e o desemprego en Pontevedra, repetido polos seus altofalantes ate a saciedade, a consecuencia duns datos da EPA hai dous trimestres (máis info en Praza.gal).

A mellor maneira de desmontar tal afirmación é que Pontevedra, xunto con Lugo, ven gañando poboación nas últimas décadas moi por riba do resto das cidades galegas, así que, se manteñen taxas de paro similares ao resto, necesariamente Pontevedra e Lugo están creando máis emprego (proporcionalmente) nos últimos 20 anos. Fun ao IGE á procura de datos, pero só hai -desagregado a nivel concellos- desde xuño de 2006. Esto é o que resulta:

Ao dispor únicamente de datos desde 2006 só se pode apreciar o comportamento durante a crise, asi que simplemente destacar que, en termos de creación (destrución, neste caso) de emprego, Pontevedra está en liña con Coruña e Ourense, e os que mellor resisten, Lugo e Santiago de Compostela. Probablemente de podermos ir máis atrás de 2006 Pontevedra igualaríase con Santiago, e Lugo estaría por riba do resto.

Con todo, o que máis me chamou a atención son os casos de Vigo e Ferrol. En Vigo destruíronse 25.000 empregos desde xuño 2007. Na Coruña, no mesmo periodo, foron 15.000. En termos proporcionais, Ferrol perdeu máis do 20% das afiliacions que tiña en 2006 e Vigo o 17.5%. Pois ben, segundo as enquisas de Sondaxe para La Voz, as cidades de Galicia onde estarían aseguradas maiorías absolutas para as equipas de goberno actuais son, precisamente, Vigo (PSOE) e Ferrol (PP).

Non me pidan interpretacións políticas, porque non as teño.

Futbol e modelo de Estado

En España, o futbol é un bó indicador socioeconómico. Máis aínda, no país onde a expresión “Palco do Bernabeu” é moito máis que un eufemismo, o futbol é un indicativo do modelo de Estado que as elites madrileñas levan anos explotando.

Cun pequeno exercicio cós datos da Liga LFP de Primeira División nos últimos 25 anos pódese extraer unha evidencia adicional da aposta por un modelo Mediterráneo baseado na construcción e turismo no arco Mediterráneo e conexións (AVE, aeroportos) con Madrid. Se riqueza e demografía (como xa comentamos noutro post) abandonan o noroeste peninsular para dirixirse ao surleste, có futbol habería pasar igual:

Mapa: elaboración propia Continúa lendo

Feijoo: ‘O Rei’ do paro

Non é só que Galicia teña, segundo a EPA, 135.000 parados máis que cando Feijoo chegou ao goberno hai 5 anos. Non é só que, peor aínda, o número de ocupados descendera en case 190.000 persoas. Non é só que, cando Feijoo chegou ao goberno hai 5 anos, a taxa de paro en Galicia estaba no 12,09% e hoxe está no 23,20%.

Non é só que haxa crise, porque a crise é para todos: o problema é que, desde que Feijoo chegou ao goberno, Galicia tiña un diferencial positivo do 30% con respecto ao conxunto do Estado en termos de desemprego, e hoxe o diferencial reducíuse ao 10%. Parabéns aos premiados.

Charla galego-português ‘O Facho’

A senlleira Agrupaçom Cultural O Facho convidoume a dar unha charla sobre “Galego-português, umha aposta chave no desenvolvimento da Galiza”. Malia o título, o certo é que o enfoque económico será unha parte menor da charla. Prefiro darlle un toque eminentemente ilustrativo das miñas experiencias persoais sobre galego e portugués, das que xa falei aqui algunha vez, e coas que espero seguir abríndolle os ollos a máis dun e agradezo por iso a oportunidade a O Facho de conversar sobre o tema. Así que, espero, será unha charla distendida onde falarei disto e máis disto e máis disto e disto tamén e se cadra tamén d’algo máis.

Déixovos o convite d’O Facho.

ofachoA Agrupaçom Cultural “O Facho” d’A Crunha convida-o assistir aos seus ciclos de palestras publicas e abertas do período 2013-14. O vindouro dia 30 de Abril do 2014 às 8,00 do serám, terça, o Professor da UDC, David O. Peom Pose, intervirá dentro do Ciclo, Economia, História e Realidade Social. A sua charla versará sobre: O galego-português, umha aposta chave no desenvolvimento da Galiza”.

Dia: 30 de Abril 2014 – Hora: 8 do serám

Local: Portas Artabras- Rua Sinagoga 22

Cidade Velha – Crunha

Debate no xornal La Opinión

DEBATE

Este domingo publicouse no xornal La Opinión de A Coruña un resumo do ‘debate sobre perspectivas económicas para Galicia e A Coruña en 2014‘ no que participei xunto có profesor da UDC Andrés Faíña e o analista bursátil David Galán. O artigo é só un esbozo do que alí falamos, así que durante os vindeiros días tentarei profundar na miña visión sobre pasado recente, presente e expectativas de futuro para a economía galega e global.

Equivócase a oposición

A pesar de ser eu economista (ou se cadra por iso), pérdese un entre as cifras do ‘axuste máis duro da democracia’, como veñen a titular hoxe os medios de comunicación as novas medidas económicas anunciadas polo goberno de Rajoy: 65.000 millóns de euros de recortes a parados, funcionarios, pensionistas e –vía incremento do IVE- ao peto de toda a poboación española. 65.000 millóns de euros a sumar –entendo- aos 45.000 millóns de medidas anteriores. Digo entendo porque, certamente, nin tempo nin gañas tiven de mirarme polo miúdo en que consisten estas novas medidas, e supoño que a maioría da xente, tampouco. Porque de feito, non é das medidas en si do que quero falar hoxe.

 

Equivócanse a oposición e algúns medios de comunicación cando critican as medidas do goberno per se. E moito máis cando critican ao goberno por facer todo o contrario do que dixeron que ían facer. Non falo con retranca: equivócanse.

 

 

Continúa lendo

Conversa con Valentim Fagim (AGAL)

(Conversa con Valentim Fagim, da AGLP e AGAL, publicada no blog Nosquedaportugal o 28 de xuño de 2010)
O pasado 25 de xuño celebramos o primeiro aniversario do blog Nosquedaportugal, blog que pretende axudar ao coñecemento mutuo de Galiza e a lusofonía, coa filosofía de que o noso futuro económico e a nosa língua e cultura propias pasan por aproveitar a emerxencia de Brasil e o novo marco que -na Eurorrexión da Europa sen fronteiras- conformamos có Norte de Portugal.

Para celebrar este primeiro aniversario, parecíanos xa imprescindible abordar o, probablemente, tema máis espiñento de todos os relacionados có galeguismo e a súa abertura ó exterior, e que tamén é o que máis sentimentos enfrontados xenera: o reintegracionismo lingüístico. E que mellor xeito de facelo, entendemos, que mediante unha conversa có principal representante do reintegracionismo: Valentim Fagim.

Valentim Fagim para Nosquedaportugal
Fonte propia.

Valentim Fagim (9 xullo 1971, Vigo) é licenciado en Filoloxía Galego-Portuguesa, diplomado en Historia e de 2001 a 2009 exerce de profesor de portugués na Escola de Idiomas de Ourense. Membro desde 2008 da Academia Galega da Língua Portuguesa, AGLP, e desde o ano 2009 é presidente da Associaçom Galega da Língua,AGAL.

Valentim tivo a xentileza de nos convidar a Caralladas -nosquedaportugal- e máis a Diego –Conversas Galegas– a un chá no seu domicilio en Santiago de paso que celebrabamos a conversa que pasamos a compartir con todos vós. Conversa que agardo sirva para tender pontes entre todos os que, pensando de xeitos diferentes (reintegracionistas, isolacionistas, galeguistas, independentistas, de esquerdas, de dereitas ou que non saben de que van), loitamos por unha mesma meta -a normalización da nosa língua no noso país- e deberiamos comezar a entendernos e remar pola nosa língua todos na mesma dirección dunha santa vez.

Continúa lendo